മഹാരാഷ്ട്രയിൽ പുതിയ എൻഡിഎ സർക്കാർ 5ന്

മുംബൈ ∙ മഹാരാഷ്ട്രയിൽ മഹായുതി (എൻഡിഎ) സർക്കാർ 5ന് വൈകിട്ട് പ്രധാനമന്ത്രി നരേന്ദ്രമോദിയുടെ സാന്നിധ്യത്തിൽ സത്യപ്രതിജ്ഞ ചെയ്യും. സഖ്യകക്ഷികളായ ശിവസേനാ ഷിൻഡെ പക്ഷത്തിനും എൻസിപി അജിത് വിഭാഗത്തിനും ഉപമുഖ്യമന്ത്രി സ്ഥാനം ലഭിക്കുമെന്ന് ഉറപ്പായെങ്കിലും മുഖ്യമന്ത്രിയാരെന്ന കാര്യത്തിൽ സസ്പെൻസ് തുടരുകയാണ്. ദേവേന്ദ്ര ഫഡ്നാവിസിനു തന്നെയാണു മുൻഗണനയെങ്കിലും പ്രഖ്യാപനം വൈകുന്നത് അഭ്യൂഹങ്ങൾക്ക് ഇടയാക്കുന്നു.