പവാറിന് 84; കേക്ക് മുറിക്കാൻ അജിത്തും

മുംബൈ∙ എൻസിപി അധ്യക്ഷൻ ശരദ് പവാറിന്റെ 84–ാം പിറന്നാളിന് ആശംസയുമായി, പാർട്ടി പിളർത്തി എൻഡിഎ പക്ഷത്തേക്കു പോയ സഹോദരപുത്രൻ അജിത് പവാറും. ഡൽഹിയിലെ പവാറിന്റെ വസതിയിൽ രാജ്യസഭാംഗമായ ഭാര്യ സുനേത്ര, മകൻ പാർഥ് പവാർ എന്നിവർക്കൊപ്പമാണ് അജിത് എത്തിയത്. രാഷ്ട്രീയത്തെക്കുറിച്ച് പൊതുവായി സംസാരിച്ചെങ്കിലും  എൻസിപി ലയനം ചർച്ച ചെയ്തില്ലെന്നാണു സൂചന. പിറന്നാൾ കേക്ക് മുറിക്കാനും അജിത് കൂടി. അജിത്തിനൊപ്പം ചേർന്ന പവാറിന്റെ പഴയ വിശ്വസ്തരായ പ്രഫുൽ പട്ടേൽ, ഛഗൻ ഭുജ്ബൽ, സുനിൽ തത്കരെ എന്നിവരും ആശംസകളുമായി എത്തിയിരുന്നു. ഒന്നര വർഷത്തിനകം രാജ്യസഭാംഗത്വം അവസാനിക്കുന്നതോടെ സജീവ രാഷ്ട്രീയം വിടുമെന്ന് പവാർ സൂചന നൽകിയിരുന്നു.