വിദ്യാർഥിനിയെ ട്രെയിനിന് മുന്നിൽ തള്ളിയിട്ടു കൊന്ന യുവാവിന് വധശിക്ഷ

ചെന്നൈ ∙ പ്രണയാഭ്യർഥന നിരസിച്ചതിന് വിദ്യാർഥിനിയെ ട്രെയിനിനു മുന്നിൽ തള്ളിയിട്ടു കൊന്ന കേസിലെ പ്രതിക്ക് വധശിക്ഷ. രണ്ടാം വർഷ ബിരുദ വിദ്യാർഥിനി സത്യപ്രിയ സെന്റ് തോമസ് മൗണ്ട് റെയിൽവേ സ്റ്റേഷനിൽ കൊല്ലപ്പെട്ട കേസിൽ സതീഷ് (25) എന്ന യുവാവിനാണ് ശിക്ഷ ലഭിച്ചത്. പതിവായി വിദ്യാർഥിനിയെ ശല്യപ്പെടുത്തിയിരുന്ന സതീഷ് 2022 ഒക്ടോബർ 13ന് ട്രെയിൻ കാത്തുനിൽക്കുകയായിരുന്ന സത്യപ്രിയയോട് വീണ്ടും പ്രണയാഭ്യർഥന നടത്തിയതിനെ തുടർന്നുള്ള വഴക്കാണ് കൊലപാതകത്തിൽ കലാശിച്ചത്.