സുജിത് നായർക്ക് മാധ്യമ പുരസ്കാരം

തിരുവനന്തപുരം∙ സ്വാതന്ത്ര്യ സമരസേനാനി കെ.ഇ.മാമ്മൻ സ്ഥാപകനായ ജനകീയ സമിതിയുടെ മാധ്യമ പുരസ്കാരം (25,000 രൂപ) മലയാള മനോരമ തിരുവനന്തപുരം സ്പെഷൽ കറസ്പോണ്ടന്റ് സുജിത് നായർക്കും മാതൃഭൂമി ആലപ്പുഴ ബ്യൂറോ ചീഫ് എസ്.ഡി.വേണുകുമാറിനും ലഭിച്ചു.

മലയാള മനോരമയിൽ പ്രസിദ്ധീകരിക്കുന്ന ‘കേരളീയം’ എന്ന രാഷ്ട്രീയ പംക്തിയാണു സുജിത് നായരെ പുരസ്കാരത്തിന് അർഹനാക്കിയത്. രാഷ്ട്രസേവാ പുരസ്കാരം പോത്തൻകോട് ശാന്തിഗിരി ആശ്രമം ജനറൽ സെക്രട്ടറി ഗുരുരത്നം ജ്ഞാനതപസ്വിക്കും പ്രവാസി പുരസ്കാരം ഷാർജയിലെ ഇന്ത്യൻ അസോസിയേഷൻ പ്രസിഡന്റ് ഇ.പി.ജോൺസണും ലഭിച്ചു.