കോവിഡ്; ആത്മഹത്യയ്ക്കു ശ്രമിച്ച മലയാളി നഴ്സ് മരിച്ചു

ന്യൂഡൽഹി ∙ കോവിഡ് ബാധിച്ചതിനു പിന്നാലെ ജീവനൊടുക്കാൻ ശ്രമിച്ച മലയാളി നഴ്സ് മരിച്ചു. ഗുരുഗ്രാം മെദാന്ത മെഡ് സിറ്റിയിലെ നഴ്സ്  കൊല്ലം  പുനലൂർ നെല്ലിപ്പള്ളി തുമ്പോട് ക്രിസ്റ്റി വില്ലയിൽ സ്കറിയ മാത്യുവിന്റെ  മകൾ ബിസ്മി സ്കറിയ (22 )  ഇന്നലെ രാത്രിയാണ് മരിച്ചത്.

വ്യാഴാഴ്ച രാവിലെ കോവിഡ് രോഗം സ്ഥിരീകരിച്ച പെൺകുട്ടിയെ ഉച്ചയോടെ സുഹൃത്തുക്കളാണ് മുറിയിൽ തൂങ്ങിയ നിലയിൽ കണ്ടെത്തിയത്. ഉടൻ മെദാന്തയിൽ തന്നെ എത്തിച്ചെങ്കിലും ഇന്നലെ മരിച്ചു. മൂന്നു വർഷം മുൻപാണ് ഇവിടെ ജോലിയിൽ പ്രവേശിച്ചത്.

English summary: Malayali nurse test Covid positive commit suicide