ബാലഭാസ്കറിന്റെ മരണം: കലാഭവൻ സോബിക്കു നാളെ വീണ്ടും നുണപരിശോധന

തിരുവനന്തപുരം ∙ വയലിനിസ്റ്റ് ബാലഭാസ്കറിന്റെ അപകടമരണവുമായി ബന്ധപ്പെട്ട കേസിൽ കലാഭവൻ സോബിയെ നാളെ വീണ്ടും നുണ പരിശോധനയ്ക്കു വിധേയനാക്കും.  ശനിയാഴ്ച സോബിക്കു നുണ പരിശോധന നടത്തിയിരുന്നു.  ചില മറുപടികളിൽ കൂടുതൽ വ്യക്തത തേടിയാണ് സിബിഐ വീണ്ടും വിളിപ്പിക്കുന്നത്. കഴിഞ്ഞ വെള്ളി , ശനി ദിവസങ്ങളിലായി അർജുൻ, പ്രകാശ്‌ തമ്പി, വിഷ്‌ണു സോമസുന്ദരം എന്നിവരുടെ നുണപരിശോധന പൂർത്തിയായിരുന്നു. ബാലഭാസ്കറിന്റെ വാഹനം അപകടത്തിൽപെട്ട സ്ഥലത്ത് സ്വർണക്കടത്തു കേസിലെ പ്രതി സരിത്തിനെയും സംഗീത രംഗത്തെ പ്രമുഖനെയും കണ്ടതായി സോബി വെളിപ്പെടുത്തിയിരുന്നു.