ഹോമിയോപ്പതി വകുപ്പിന് മൊബൈൽ ആപ്

തിരുവനന്തപുരം ∙ ഹോമിയോപ്പതി വകുപ്പിലെ സേവനങ്ങൾ ജനങ്ങളിലെത്തിക്കാൻ m-Homoeo വെബ് അധിഷ്ഠിത മൊബൈൽ ആപ് മന്ത്രി വീണാ ജോർജ് പുറത്തിറക്കി. സ്കൂൾ കുട്ടികൾക്ക് ഹോമിയോപ്പതി പ്രതിരോധ ഔഷധങ്ങൾ രക്ഷിതാക്കളുടെ സമ്മതത്തോടെ നൽകുന്നതിന് ഈ ആപ്പിൽ സൗകര്യം ഒരുക്കിയിട്ടുണ്ട്.

ബുക്ക് ചെയ്ത് അടുത്തുള്ള ഹോമിയോപ്പതി സ്ഥാപനങ്ങളിൽ നിന്നു മരുന്നുകൾ വാങ്ങാം. വകുപ്പിലെ പ്രവർത്തനങ്ങളുടെ അവലോകന, ആസൂത്രണ പ്രവർത്തനങ്ങൾ നടത്താനും ആപ്പിലൂടെ സാധിക്കും.

സമീപ ഭാവിയിൽ ഒപി, സ്‌പെഷൽ ഒപി സേവനങ്ങൾ ഈ രീതിയിൽ ലഭ്യമാക്കുമെന്നും മന്ത്രി പറഞ്ഞു. m-Homoeo ആപ് ഗൂഗിൾ പ്ലേസ്റ്റോറിൽ നിന്നു ഡൗൺ ലോഡ് ചെയ്യാം.

English Summary: Mobile App for Homeopathy Department