രാഹുലിനെതിരെ പരാമർശം: കുറ്റബോധമുണ്ടെന്ന് പി.ജെ.കുര്യൻ പറഞ്ഞതായി കെ.സുധാകരൻ

കണ്ണൂർ∙ രാഹുൽ ഗാന്ധിയെ പറ്റി താൻ നടത്തിയ വിവാദ പരാമർശങ്ങൾ കോൺഗ്രസിലെ ‘ജി 23’ വിഭാഗം നേതാക്കളുടെ അഭിപ്രായമാണെന്നും വ്യക്തിപരമായ അഭിപ്രായമല്ലെന്നും കുറ്റബോധമുണ്ടെന്നും മുതിർന്ന കോൺഗ്രസ് നേതാവ് പി.ജെ.കുര്യൻ തന്നോടു വിശദീകരിച്ചിട്ടുണ്ടെന്നു കെപിസിസി പ്രസിഡന്റ് കെ.സുധാകരൻ. കഴിഞ്ഞദിവസം പി.ജെ.കുര്യൻ തന്നെ വന്നു കണ്ടതായും അദ്ദേഹവുമായി ഫോണിൽ സംസാരിച്ചതായും കെ.സുധാകരൻ ‘മനോരമ’യോടു പറഞ്ഞു. എഐഎസ്എഫ് സെമിനാറിൽ പങ്കെടുക്കുന്നതിന് ആർക്കും വിലക്കില്ലെന്നും അദ്ദേഹം പറഞ്ഞു. 

‘ജി 23യുടെ അഭിപ്രായം ഒരു മാധ്യമത്തിനു നൽകിയതാണെന്നും ബോധപൂർവം അങ്ങനെ പറഞ്ഞിട്ടില്ലെന്നും അതു തന്റെ പേരിൽ വന്നതു മോശമായിപ്പോയെന്നും താനൊരിക്കലും പാർട്ടിയെ തള്ളിപ്പറയില്ലെന്നും പി.െജ.കുര്യൻ എന്നോടു പറഞ്ഞിട്ടുണ്ട്. അദ്ദേഹത്തെ അടുത്തദിവസം വീണ്ടും കാണും. പ്രതിപക്ഷനേതാവിനെയും അദ്ദേഹം സന്ദർശിച്ചിട്ടുണ്ട്. 

English Summary: K. Sudhakaran on P.J. Kurien's statement