നഗ്നതാ പ്രദർശനം: നടൻ ശ്രീജിത് രവി ജാമ്യം തേടി ഹൈക്കോടതിയിൽ

കൊച്ചി ∙ പെൺകുട്ടികൾക്കു മുന്നിൽ നഗ്നതാ പ്രദർശനം നടത്തിയെന്ന കേസിൽ റിമാൻഡിലായ നടൻ ശ്രീജിത് രവി നൽകിയ ജാമ്യാപേക്ഷയിൽ ഹൈക്കോടതി സർക്കാരിന്റെ വിശദീകരണം തേടി 15നു പരിഗണിക്കാൻ മാറ്റി. പെരുമാറ്റ വൈകല്യത്തിനു 2016 മുതൽ തൃശൂരിൽ സ്വകാര്യ ആശുപത്രിയിൽ ചികിത്സയിലാണെന്നും ജയിലിൽ തുടരേണ്ടിവരുന്നതു മാനസിക ആരോഗ്യത്തെ ബാധിക്കുമെന്നും ഹർജിയിൽ അറിയിച്ചു. 

കുട്ടികളുടെ മൊഴിയെടുത്ത സാഹചര്യത്തിൽ അന്വേഷണം പൂർത്തിയായെന്നും ഹർജിയിൽ പറയുന്നു. അറസ്റ്റിലായ ശ്രീജിത് രവിയുടെ ജാമ്യാപേക്ഷ തൃശൂർ അഡീഷനൽ സെഷൻസ് കോടതി വ്യാഴാഴ്ച തള്ളിയിരുന്നു. സ്ത്രീകൾക്കു നേരെയുള്ള അതിക്രമം തടയൽ, പോക്സോ വകുപ്പുകൾ തുടങ്ങിയവ പ്രകാരമാണു കേസ്. 

Content Highlights: Actor Sreejith Ravi, Sreejith Ravi Flashing Minors, POCSO Case, Bail Plea, High Court