കോടിയേരി ബാലകൃഷ്ണൻ - ജീവിതരേഖ

1953 : പരേതനായ കോടിയേരി മൊട്ടമ്മൽ കുഞ്ഞുണ്ണിക്കുറുപ്പിന്റെയും നാരായണിയമ്മയുടെയും മകനായി 1953 നവംബർ 16ന് ജനനം. 

1970 : സജീവ സിപിഎം പ്രവർത്തകൻ. 

1973 : ഇരുപതാം വയസ്സിൽ എസ്‌എഫ്‌ഐ സംസ്‌ഥാന സെക്രട്ടറി (73– 80) 

1977 : അടിയന്തരാവസ്‌ഥാകാലത്തു മിസ തടവുകാരനായി ഒന്നര വർഷം ജയിൽ ശിക്ഷയനുഭവിച്ചു. 

1982 : തലശ്ശേരിയിൽ ആർഎസ്‌പി എസിലെ കെ.സി.നന്ദനനെ 17,100 വോട്ടിനു തോൽപ്പിച്ച് നിയമസഭയിലെത്തി

1987 : കെ.സുധാകരനെ (കോൺഗ്രസ്) 5368 വോട്ടിനു പരാജയപ്പെടുത്തി വീണ്ടും തലശ്ശേരിയുടെ പ്രതിനിധിയായി 

1990 : സിപിഎം കണ്ണൂർ ജില്ലാ സെക്രട്ടറി

1995 : സിപിഎം സംസ്‌ഥാന സെക്രട്ടേറിയറ്റ് അംഗം 

1996 : കോടതികളെയും ന്യായാധിപന്മാരെയും അവഹേളിച്ചു പ്രസംഗിച്ചെന്ന പേരിൽ കോടതിയലക്ഷ്യത്തിന് പിഴശിക്ഷ 

2001 : തലശ്ശേരിയിൽ നിന്നു മൂന്നാമതും നിയമസഭയിലേക്ക്. കോൺഗ്രസിന്റെ സജീവ് മാറോളിയെ 7043 വോട്ടിന് പരാജയപ്പെടുത്തി. പ്രതിപക്ഷ ഉപനേതാവ് 

2002 : സി പി എം കേന്ദ്രകമ്മറ്റിയംഗം

2005 : പാർട്ടി തീരുമാനിച്ചാൽ പൊലീസ് സ്റ്റേഷനു മുൻപിലും ബോംബ് ഉണ്ടാക്കുമെന്ന പ്രസംഗം വിവാദമായി 

2006 : രാജ്‌മോഹൻ ഉണ്ണിത്താനെ (കോൺഗ്രസ്) 10,055 വോട്ടിനു പരാജയപ്പെടുത്തി നിയമസഭാംഗമായി. ആഭ്യന്തര മന്ത്രി 

2007 : മന്ത്രി കോടിയേരിയും കുടുംബവും കാടാമ്പുഴ ക്ഷേത്രത്തിൽ പൂമൂടൽ വഴിപാട് നടത്തിയെന്ന് വിവാദം 

2008 : സിപിഎം പൊളിറ്റ്ബ്യൂറോ അംഗം. 

2011 : റിജിൽ മാക്കുറ്റിയെ പരാജയപ്പെടുത്തി വീണ്ടും തലശ്ശേരിയിൽ നിന്നു നിയമസഭയിലേക്ക്. പ്രതിപക്ഷ ഉപനേതാവ് 

2015 : ആലപ്പുഴ സംസ്ഥാന സമ്മേളനത്തിൽ സിപിഎം സംസ്‌ഥാന സെക്രട്ടറിയായി തിരഞ്ഞെടുക്കപ്പെട്ടു

2016 : ആക്രമിക്കാൻ വരുന്നവരോടു കണക്കുതീർക്കണമെന്ന് ആഹ്വാനം ചെയ്ത പ്രസംഗം വൻവിവാദമായി 

2018 : തൃശൂർ സമ്മേളനത്തിൽ വീണ്ടും സംസ്ഥാന സെക്രട്ടറി 

2019 : വിവാഹവാഗ്ദാനം നൽകി പീഡിപ്പിച്ചെന്നും ബന്ധത്തിൽ 8 വയസ്സുള്ള മകനുണ്ടെന്നും ആരോപിച്ച് മൂത്തമകൻ ബിനോയിക്കെതിരെ ബിഹാർ സ്വദേശിയായ യുവതി മുംബൈ അന്ധേരിയിലെ ഓഷിവാര പൊലീസിൽ പരാതി നൽകി 

2019 : അർബുദ രോഗബാധ തിരിച്ചറിയുന്നു. ചികിത്സയ്ക്കായി അമേരിക്കയിലേക്ക് 

2020 : ലഹരി ഇടപാടുമായി ബന്ധമുണ്ടെന്നു സംശയിക്കുന്ന കള്ളപ്പണം വെളുപ്പിക്കൽ കേസിൽ മകൻ ബിനീഷ് ജയിലിലായി. 

2020: നവംബർ 13 ന് ചികിത്സാർഥം സെക്രട്ടറി സ്ഥാനത്തുനിന്ന് അവധിയിൽ പ്രവേശിച്ചു

2021: ഡിസംബറിൽ വീണ്ടും സെക്രട്ടറി സ്ഥാനത്തു തിരിച്ചെത്തി.

2022 : മാർച്ച് ആദ്യം എറണാകുളത്തു നടന്ന സംസ്ഥാന സമ്മേളനത്തിൽ മൂന്നാം തവണയും സംസ്ഥാന സെക്രട്ടറി

2022 : ഏപ്രിലിൽ വിദഗ്ധ ചികിത്സയ്ക്കായി വീണ്ടും അമേരിക്കയിലേക്ക്. തിരിച്ചെത്തിയശേഷം തലസ്ഥാനത്ത് ചികിത്സ തുടർന്നു. ഓഗസ്റ്റിൽ സെക്രട്ടറിപദം ഒഴിഞ്ഞു. ആരോഗ്യനില മോശമായതോടെ ഓഗസ്റ്റിൽ ചികിത്സയ്ക്ക് ചെന്നൈയിലേക്ക്.   

Content Highlights: Kodiyeri Balakrishnan, Remembering Kodiyeri Balakrishnan, Communist Party of India Marxist CPM