കോടിയേരിക്ക് എതിരെ പോസ്റ്റ്; അറസ്റ്റ്, സസ്പെൻഷൻ

കൊല്ലം ∙ അന്തരിച്ച സിപിഎം മുൻ സംസ്ഥാന സെക്രട്ടറി കോടിയേരി ബാലകൃഷ്ണനെതിരെ സമൂഹമാധ്യമത്തിൽ അപകീർത്തികരമായ പോസ്റ്റ് ഇട്ടതിന് ഫാമിങ് കോർപറേഷൻ ജീവനക്കാരനെ പൊലീസ് അറസ്റ്റ് ചെയ്തു. മറ്റൊരു സംഭവത്തിൽ സർക്കാർ ഉദ്യോഗസ്ഥനെ സർവീസിൽ നിന്നു സസ്പെൻഡ് ചെയ്തു. 

ചിതൽവെട്ടി എസ്റ്റേറ്റിലെ ഡ്രൈവർ കായംകുളം ചെമ്പകശേരി സ്വദേശി വിഷ്ണു ജി.കുമാർ (36) ആണ് അറസ്റ്റിലായത്. വിഷ്ണുവിനെ അന്വേഷണവിധേയമായി സസ്പെൻഡ് ചെയ്യുമെന്ന് കോർപറേഷൻ മാനേജ്മെന്റ് അറിയിച്ചു. ചിതറ സബ് റജിസ്ട്രാർ ഓഫിസിലെ ഹെഡ് ക്ലാർക്ക് പോരുവഴി നടുവിലേമുറി സ്വദേശി സന്തോഷ് രവീന്ദ്രനെതിരെ ഇൻസ്പെക്ടർ ജനറൽ ഓഫ് റജിസ്ട്രേഷൻ ആണ് സസ്പെൻഷൻ നടപടി സ്വീകരിച്ചത്.

English Summary: Police officer suspended for a WhatsApp post against Kodiyeri Balakrishnan