പരിശോധന: 15 ചിക്കൻ ഹോട്ടലുകൾ പൂട്ടിച്ചു

തിരുവനന്തപുരം∙ ചിക്കൻ വിഭവങ്ങളുടെ സുരക്ഷിതത്വം ഉറപ്പാക്കാനായി ഭക്ഷ്യ സുരക്ഷാ വകുപ്പ് നടത്തിയ പരിശോധനയിൽ വീഴ്ചകൾ കണ്ടെത്തിയ 15 സ്ഥാപനങ്ങളുടെ പ്രവർത്തനം നിർത്തിവയ്പിച്ചു. 49 സ്ഥാപനങ്ങൾക്കു നോട്ടിസും നൽകി. ഹോട്ടലുകളിലെ ചിക്കൻ വിഭവങ്ങളിൽ അളവിൽ കൂടുതൽ കൃത്രിമ നിറങ്ങൾ ചേർക്കുന്നുവെന്ന പരാതിയെ തുടർന്നായിരുന്നു പരിശോധന. 35 സ്ക്വാഡ് 448 സ്ഥാപനങ്ങളിൽ പരിശോധന നടത്തി.