ശിവശങ്കറിന് നട്ടെല്ല് പൊടിയുന്ന രോഗമെന്ന് റിപ്പോർട്ട്

ന്യൂഡൽഹി ∙ കേരള മുഖ്യമന്ത്രിയുടെ പ്രിൻസിപ്പൽ സെക്രട്ടറിയായിരുന്ന എം.ശിവശങ്കറിന് നട്ടെല്ല് പൊടിയുന്ന ഗുരുതര അസുഖമെന്ന് മെഡിക്കൽ റിപ്പോർട്ട്. ലൈഫ് മിഷൻ കേസിൽ ജാമ്യത്തിലുള്ള ശിവശങ്കറിന്റെ മെഡിക്കൽ റിപ്പോർട്ട് സുപ്രീംകോടതിയിൽ സമർപ്പിച്ചു. രോഗം സുഷ്മനാ നാ‍ഡിയെയും ബാധിച്ചെന്നാണ് റിപ്പോർട്ടിലുള്ളത്. ദീർഘനേരം നിൽക്കുന്നത് ശരീരത്തെ ബാധിക്കും. ആവശ്യമെങ്കിൽ ശസ്ത്രക്രിയയുടെ ആവശ്യവും ചൂണ്ടിക്കാട്ടുന്നു. ഇ.ഡിയുടെ ആവശ്യപ്രകാരം പുതുച്ചേരി ജിപ്മറിൽ നടത്തിയ മെഡിക്കൽ റിപ്പോർട്ടാണ് സുപ്രീം കോടതിയിൽ നൽകിയത്. മെഡിക്കൽ റിപ്പോർട്ട് അടുത്ത ആഴ്ച സുപ്രീം  കോടതി പരിഗണിക്കും.