മേൽക്കൂര പൊളിച്ച് ആസിഡ് ആക്രമണം: സ്ത്രീക്കും സുഹൃത്തിനും പരുക്ക്

മൂന്നാർ ∙ ആസിഡ് ആക്രമണത്തിൽ സ്ത്രീക്കും സുഹൃത്തിനും ഗുരുതരമായി പൊള്ളലേറ്റു. പ്രതി മാങ്കുളം പാമ്പുംകയം സ്വദേശി സാൻ കുമാറിനെ (54) മൂന്നാർ പൊലീസ് കസ്റ്റഡിയിലെടുത്തു. ഞായറാഴ്ച രാത്രി 9.45നു മാങ്കുളം വിരിഞ്ഞപാറയിലാണു സംഭവം.

പൊള്ളലേറ്റ നാൽപത്തൊമ്പതുകാരിയും പ്രതിയും തമ്മിൽ ഏറെനാളായി അടുപ്പത്തിലായിരുന്നു. എന്നാൽ, സമീപകാലത്ത് സ്ത്രീ, ആലുവ സ്വദേശിയായ നാ‍ൽപതുകാരനുമായി അടുപ്പത്തിലായി. ഇതിന്റെ വൈരാഗ്യത്തിൽ പ്രതി ഞായറാഴ്ച രാത്രി യുവതിയുടെ വീട്ടിലെത്തി മേ‍ൽക്കൂര പൊളിച്ച് സ്ത്രീയുടെയും സുഹൃത്തിന്റെയും ദേഹത്തേക്ക് ആസിഡ് ഒഴിച്ചെന്നാണു കേസ്.