മൂന്നാറിൽ വീണ്ടും ഓടുന്ന കാറിൽ അഭ്യാസ പ്രകടനം

മൂന്നാർ ∙ മൂന്നാറിൽ തുടർച്ചയായ രണ്ടാം ദിനവും, ഓടുന്ന കാറിൽ ശരീരം പുറത്തിട്ടു യുവാവിന്റെ അഭ്യാസപ്രകടനം. ഇന്നലെ രാവിലെ മൂന്നാർ - മാട്ടുപ്പെട്ടി റോഡിലാണു കാറിൽ ശരീരം പുറത്തിട്ട് യുവാവ് അപകടകരമായ വിധത്തിൽ യാത്ര ചെയ്തത്. ആലപ്പുഴ സ്വദേശിയുടെ ഉടമസ്ഥതയിലുള്ള വാഹനത്തിൽ 4 പേരാണുണ്ടായിരുന്നത്. വ്യാഴാഴ്ച ഉച്ചയ്ക്കും സമാനരീതിയിൽ ദേവികുളം ഗ്യാപ് റോഡ് വഴി തമിഴ്നാട് സ്വദേശിയായ യുവാവ്, ഓടുന്ന കാറിൽ ശരീരം പുറത്തിട്ട് യാത്ര ചെയ്തിരുന്നു.