മഞ്ഞപ്പിത്തം: യുവതി മരിച്ചു

ചെറുതോണി ∙ മഞ്ഞപ്പിത്തം ബാധിച്ച് ബെംഗളൂരുവിൽ ചികിത്സയിലായിരുന്ന യുവതി മരിച്ചു. മേലുകാവുമറ്റം മഠത്തിപ്പറമ്പിൽ പ്രശാന്തിന്റെ ഭാര്യ ദിവ്യ പ്രശാന്താണ് (32) മരിച്ചത്. ഐടി ജീവനക്കാരനായ ഭർത്താവ് പ്രശാന്തിനൊപ്പം ദിവ്യ ബെംഗളൂരുവിലാണു താമസിച്ചിരുന്നത്. മഞ്ഞപ്പിത്തം ബാധിച്ച് ഒരാഴ്ചയായി ചികിത്സയിലായിരുന്നു. റിട്ട.സർക്കിൾ ഇൻസ്പെക്ടർ ഭൂമിയാംകുളം മൂന്നോലിക്കൽ സോമനാഥന്റെയും സുജയുടെയും മകളാണ് ദിവ്യ. സംസ്കാരം ഇന്ന് 2ന് ഭൂമിയാംകുളത്ത് മൂന്നോലിക്കൽ വീട്ടുവളപ്പിൽ. ഏകസഹോദരി: ദീപ.