‘ഹോർത്തൂസ്’ വായന 16ന് കണ്ണൂരിൽ

കണ്ണൂർ∙ മലയാള മനോരമ നവംബർ 1 മുതൽ 3 വരെ കോഴിക്കോട്ടു നടത്തുന്ന ‘ഹോർത്തൂസ്’ രാജ്യാന്തര സാഹിത്യ, സാംസ്കാരികോത്സവത്തിനു മുന്നോടിയായി കണ്ണൂരിൽ ‘ഹോർത്തൂസ് വായനസംഗമം’ സംഘടിപ്പിക്കുന്നു. എഴുത്തുകാരായ എം.മുകുന്ദനും ഷീല ടോമിയും തമ്മിലുള്ള സംഭാഷണം 16ന് ഉച്ചകഴിഞ്ഞ് 3.30നു മലയാള മനോരമ കണ്ണൂർ യൂണിറ്റ് ഓഫിസിലെ വേദിയിൽ നടക്കും. എം.മുകുന്ദൻ എഴുത്തുജീവിതത്തിലെ അനുഭവങ്ങൾ പങ്കുവയ്ക്കും.

വായനസംഗമത്തിൽ ആർക്കും പങ്കെടുക്കാം. റജിസ്ട്രേഷനോ പ്രവേശന ഫീസോ ഇല്ല. രാജ്യത്തിനകത്തും പുറത്തും നിന്നുള്ള എഴുത്തുകാരുടെയും കലാപ്രവർത്തകരുടെയും മഹാസംഗമമാണ് മനോരമ ഹോർത്തൂസ്. ലോകപ്രശസ്ത ബെസ്റ്റ് സെല്ലറുകൾ ഉൾപ്പെട്ട പുസ്തകമേളയും കുട്ടികൾക്കായുള്ള വിനോദവിജ്ഞാന പവലിയനും കലാസാംസ്കാരികോത്സവങ്ങളും ഹോർത്തൂസിന്റെ ഭാഗമാണ്.