ഭക്ഷ്യക്കിറ്റെന്നാണു പേര്; കിട്ടിയത് ഡയപ്പറുകൾ!

ചൂരൽമല (വയനാട്) ∙ ചൂരൽമല– മുണ്ടക്കൈ ഉരുൾപൊട്ടൽ ദുരന്തമേഖലയിൽ വിതരണം ചെയ്യാനുള്ള ഭക്ഷ്യവസ്തുക്കളെന്ന പേരിൽ നൽകിയ കിറ്റുകളിൽ ഡയപ്പറുകളും സാനിറ്ററി നാപ്കിനുകളും നിറച്ചു നൽകിയെന്നു പരാതി. ദുരന്തമേഖലയായ അട്ടമലയിൽ നിന്നു ബന്ധുവീടുകളിലേക്കും വാടക വീടുകളിലേക്കും മാറിയ കുറച്ചു പേർക്കാണു ഭക്ഷ്യക്കിറ്റിൽ ഡയപ്പറുകൾ നൽകിയത്. മേപ്പാടി പഞ്ചായത്തംഗം വിളിച്ചുപറഞ്ഞതിന്റെ അടിസ്ഥാനത്തിൽ ഫോം പൂരിപ്പിച്ചു നൽകി കൈപ്പറ്റിയ കിറ്റുകളിൽ ഭക്ഷ്യവസ്തുക്കളായുണ്ടായത് ഒരു പാക്കറ്റ് ബിസ്കറ്റും അര കിലോ പഞ്ചസാരയും മാത്രമായിരുന്നെന്ന് അട്ടമല സ്വദേശി റംലത്ത് പറഞ്ഞു.