വിവാദങ്ങളിൽ പ്രതികരിക്കാതെ മുഖ്യമന്ത്രി; പിറന്നാളാശംസ മാത്രം

തിരുവനന്തപുരം ∙ വയനാട് ഉരുൾപൊട്ടലിനു പിന്നാലെ ദിവസവും മാധ്യമങ്ങളെ കണ്ടിരുന്ന മുഖ്യമന്ത്രി പിണറായി വിജയൻ പുതിയ വിവാദങ്ങൾക്കുശേഷം മാധ്യമങ്ങളെ അഭിമുഖീകരിച്ചിട്ടില്ല. ആർഎസ്എസ് ബന്ധം വലിയ പാപമായി കരുതുന്ന പാർട്ടിക്കെതിരെ ഇതേ ആരോപണം പ്രതിപക്ഷനേതാവ് ഉയർത്തിയിട്ടും സമൂഹമാധ്യമങ്ങളിലൂടെപ്പോലും മുഖ്യമന്ത്രി പ്രതികരിച്ചിട്ടില്ല. അതേസമയം, നടൻ മമ്മൂട്ടിയുടെ ജന്മദിനമായ ഇന്നലെ അദ്ദേഹത്തിനൊപ്പമുള്ള ചിത്രം ഫെയ്സ്ബുക്കിൽ പങ്കുവച്ച് അദ്ദേഹം ആശംസ നേർന്നു.