സഹകരണ ജീവനക്കാരുടെ പെൻഷൻ പ്രായം 60 ആക്കണം; ശുപാർശ ചെയ്ത് പെൻഷൻ പരിഷ്കരണ സമിതി

തിരുവനന്തപുരം ∙ സഹകരണ ജീവനക്കാരുടെ പെൻഷൻ പ്രായം 58ൽ നിന്ന് 60 ആക്കുന്നതിന് പെൻഷൻ പരിഷ്കരണ സമിതിയുടെ ശുപാർശ. റിട്ട. ജില്ലാ ജഡ്ജി എൻ. രാജേന്ദ്രൻ നായർ ചെയർമാനായ സമിതിയാണ് ശുപാർശ നൽകിയത്. പെൻഷൻ തുകയിൽ 2% വർധനയും നിർദേശിച്ചിട്ടുണ്ട്. സർക്കാർ വിഹിതമില്ലാത്ത പെൻഷൻ പദ്ധതിയാണ് സഹകരണ സംഘങ്ങളിലുള്ളത്. ജീവനക്കാർ നൽകുന്ന വിഹിതവും അതിൽ നിന്നുള്ള പലിശ വരുമാനവും ചേർത്താണ് പെൻഷൻ നൽകുന്നത്.