ഹമാസ് ഭീകരരെന്ന് എം.വി.ജയരാജൻ

ചെറുപുഴ (കണ്ണൂർ) ∙ ഹമാസ് ഭീകരവാദ പ്രസ്ഥാനമാണെന്നും എന്നാൽ, അവരെ ഇല്ലാതാക്കാനെന്ന പേരിൽ ഇസ്രയേൽ നടത്തുന്ന ആക്രമണം സ്ത്രീകൾക്കും കുട്ടികൾക്കുമെതിരെയാണെന്നും സിപിഎം കണ്ണൂർ ജില്ലാ സെക്രട്ടറി എം.വി.ജയരാജൻ. ‘ഇത്തരം ആക്രമണങ്ങളിൽ ആയിരക്കണക്കിനു സ്ത്രീകളും കുട്ടികളുമാണു മരിക്കുന്നത്. ഇതിനെയാണു പാർട്ടി എതിർക്കുന്നത്. യുദ്ധത്തിനിടെ സൈനിക ഉപകരണങ്ങൾ വിറ്റ് ലാഭം കൊയ്യാനുള്ള ശ്രമമാണ് അമേരിക്ക നടത്തിവരുന്നത്’ – സിപിഎം പെരിങ്ങോം ഏരിയ സമ്മേളനം ഉദ്ഘാടനം ചെയ്യുകയായിരുന്നു ജയരാജൻ.