എച്ച്ഐവി പരത്തി ലഹരി ഉപയോഗം

തൃശൂർ ∙ സംസ്ഥാനത്ത് 19നും 25നും ഇടയിലുള്ളവരിൽ എച്ച്ഐവി ബാധ കൂടുന്നു. ലഹരി കുത്തിവയ്പ് ഉൾപ്പെടെ അതിനു കാരണമാകാമെന്നാണ് വിലയിരുത്തൽ. ആകെ എച്ച്ഐവി പോസിറ്റിവിൽ 15% പേരും ഈ പ്രായത്തിൽ ഉള്ളവരാണെന്ന് എയ്ഡ്സ് കൺട്രോൾ സൊസൈറ്റി വ്യക്തമാക്കി. എന്നാൽ, പരിശോധനകളുടെ എണ്ണം കൂടുന്നതനുസരിച്ച് വൈറസ് ബാധ വർധിക്കുന്നില്ല എന്നതാണ് ആശ്വാസം. ഇന്ത്യയിൽ ഏറ്റവും കുറവ് നിരക്ക് ഉള്ള സംസ്ഥാനങ്ങളിലൊന്നാണ് കേരളം. സ്വവർഗാനുരാഗം വഴിയും പുരുഷന്മാർക്കിടയിൽ എച്ച്ഐവി ബാധിതരുടെ എണ്ണം കൂടുന്നുണ്ട്.