‘ദിവ്യ സമരങ്ങളുടെ തീച്ചൂളയിൽ വളർന്ന നേതാവ്; പാർട്ടി പരസ്യമായി വിമർശിച്ചത് ശരിയായില്ല’

പത്തനംതിട്ട ∙ കണ്ണൂർ എഡിഎം ആയിരുന്ന നവീൻ ബാബുവിന്റെ മരണവുമായി ബന്ധപ്പെട്ട് അന്നു കണ്ണൂർ‍ ജില്ലാ പഞ്ചായത്ത് പ്രസിഡന്റായിരുന്ന പി.പി.ദിവ്യയെ മാധ്യമങ്ങൾക്കു കൊത്തിപ്പറിക്കാൻ പത്തനംതിട്ട സിപിഎം ജില്ലാ നേതൃത്വം ഇട്ടുകൊടുത്തെന്ന് അടൂർ ഏരിയ സമ്മേളനത്തിൽ വിമർശനം.

സമരങ്ങളുടെ തീച്ചൂളയിലൂടെ ഉയർന്നു വന്ന നേതാവാണു ദിവ്യയെന്നും അതിനാൽ പാർട്ടി പരസ്യമായി വിമർശിച്ചതും തള്ളിപ്പറഞ്ഞതും ശരിയായില്ലെന്നും ഉള്ള നിലപാട് ചില പ്രതിനിധികൾ ഉന്നയിച്ചു. സിപിഎം ജില്ലാ സെക്രട്ടറി കെ.പി.ഉദയഭാനു നവീൻ ബാബുവിന്റെ മരണവുമായി ബന്ധപ്പെട്ട് പലതവണ ദിവ്യയെ വിമർശിച്ചിരുന്നു.