കാറിൽ രക്തത്തിൽ കുളിച്ച് യുവാക്കൾ; ദുരൂഹത

രാജകുമാരി ∙ സേനാപതി റോഡിൽ നിർത്തിയിട്ടിരുന്ന കാറിൽ രക്തത്തിൽ കുളിച്ച നിലയിൽ 2 യുവാക്കളെ കണ്ടെത്തിയ സംഭവത്തിൽ ദുരൂഹത തുടരുന്നു. തിങ്കളാഴ്ച രാത്രി 8ന് ആണു റോഡരികിൽ നിർത്തിയിട്ടിരിക്കുന്ന കാറിനു വെളിയിൽ രക്തം പുരണ്ട ഷർട്ട് നാട്ടുകാരുടെ ശ്രദ്ധയിൽപെട്ടത്. 

നാട്ടുകാർ പരിശോധിച്ചപ്പോൾ കാറിനകത്തു രക്തത്തിൽ കുളിച്ച് 2 യുവാക്കളെ ബോധരഹിതരായ നിലയിൽ കണ്ടെത്തി. നാട്ടുകാർ വിവരമറിയിച്ചതിനെത്തുടർന്ന് ഉടുമ്പൻചോല പൊലീസ് സ്ഥലത്തെത്തി ഇരുവരെയും ആംബുലൻസിൽ രാജകുമാരിയിലെ സ്വകാര്യ ആശുപത്രിയിലും പിന്നീട് അടിമാലി താലൂക്കാശുപത്രിയിലുമെത്തിച്ചു. ഇരുവരും മദ്യലഹരിയിലായിരുന്നുവെന്നു പൊലീസ് പറഞ്ഞു.