ആത്മഹത്യയ്ക്ക് ശ്രമിച്ച നഴ്സിങ് വിദ്യാർഥിനിയുടെ നില ഗുരുതരം

കാഞ്ഞങ്ങാട് / മംഗളൂരു ∙ മൻസൂർ നഴ്സിങ് കോളജ് ഹോസ്റ്റലിൽ ആത്മഹത്യയ്ക്കു ശ്രമിച്ച നഴ്സിങ് വിദ്യാർഥിനിയുടെ നില ഗുരുതരമായി തുടരുന്നു. ശനിയാഴ്ച വൈകിട്ട് മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിക്കപ്പെട്ട വിദ്യാർഥിനി ഇപ്പോഴും വെന്റിലേറ്ററിലാണ്. കഴുത്തിനു താഴോട്ടു ശരീരം പ്രതികരിക്കുന്നുണ്ടെങ്കിലും കഴുത്തിനു മുകളിലേക്കുള്ള നാഡികൾ പ്രതികരിച്ചു തുടങ്ങിയിട്ടില്ല. സഹപാഠികൾ കഴിഞ്ഞദിവസം വിദ്യാർഥിനിയെ സന്ദർശിച്ചിരുന്നു. ഇന്നലെ അധ്യാപകരും കുട്ടിയെ കാണാനെത്തി.