എടാ മോനെ! ഇന്ത്യയിൽ കൂടുതൽ പേർ തിരഞ്ഞ 10 സിനിമകളിൽ മഞ്ഞുമ്മൽ ബോയ്സും ആവേശവും; ഹിറ്റായി ‘ഇല്ലുമിനാറ്റി’

ഇന്ത്യയിൽ കഴിഞ്ഞവർഷം ഗൂഗിളിൽ ഏറ്റവും കൂടുതൽപേർ തിരഞ്ഞ 10 സിനിമകളിൽ മലയാള സിനിമകളായ മഞ്ഞുമ്മൽ ബോയ്സും ആവേശവും ഇടം പിടിച്ചു. സ്ത്രീ2 ആണ് ഒന്നാമത്. സലാർ, ലാ പതാ ലേഡീസ് ഇവയൊക്കെയും പട്ടികയിലുണ്ട്. പാട്ടുകൾ തിരയുന്ന ഹമ്മിങ് സെർച്ചിൽ മൂന്നാം സ്ഥാനത്തും മലയാളമുണ്ട്, ആവേശത്തിലെ ഇല്ലുമിനാറ്റി എന്ന പാട്ട്. 

‘നിയർ മീ’ സെർച്ചിൽ നമ്മുടെ സ്വന്തം ഓണസദ്യ ഇടം പിടിച്ചപ്പോൾ ഭക്ഷണങ്ങളുടെ സെർച്ചിൽ കഞ്ഞിയും ചമ്മന്തിയും ഹീറോ ആയി. വ്യക്തികളിൽ മലയാളികൾ ആരുമില്ല. വിനേഷ് ഫോഗട്ടാണ് മുൻനിരയിൽ.

ചമ്മിപ്പോയേ.. എന്ന അർഥത്തിൽ ഉപയോഗിക്കുന്ന മോയെ.. മോയെ... എന്ന സെർബിയൻ വാക്ക് കൂടുതൽപേർ അർഥം തിരഞ്ഞ വാക്കുകളിലുണ്ട്.