കാർ വൈദ്യുതി പോസ്റ്റിൽ ഇടിച്ചു; പരുക്കേറ്റ് ചികിത്സയിലായിരുന്ന യുവതി മരിച്ചു

‍കോലഞ്ചേരി ∙ കടയിരുപ്പിൽ കാർ വൈദ്യുതി പോസ്റ്റിൽ ഇടിച്ചു പരുക്കേറ്റ് കോലഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലായിരുന്ന കോട്ടയം കോരുത്തോട് മടുക്ക തേക്കിലക്കാട്ടിൽ ദേവി ചന്ദന (22) മരിച്ചു. കടയിരുപ്പ് ശ്രീനാരായണ ഗുരുകുലം എൻജിനീയറിങ് കോളജ് വിദ്യാർഥിയായിരുന്നു. കാറിലുണ്ടായിരുന്ന മറ്റു 2 പേർക്കു പരുക്കേറ്റിരുന്നു. പരേതനായ ടി.വി. വിനോദ്– ബിന്ദു ദമ്പതികളുടെ മകളാണ്. സഹോദരൻ: ശ്രീഹരി. സംസ്കാരം ഇന്ന് രാവിലെ 10നു വീട്ടുവളപ്പിൽ.