സോഫിയ ജയിംസ് മിസിസ് ഇന്ത്യ ഗ്ലോബ്

നെടുങ്കണ്ടം ∙ ഡൽഹിയിൽ നടന്ന മിസിസ് ഇന്ത്യ ഗ്ലോബ് സീസൺ 8ൽ ഇടുക്കി സ്വദേശി സോഫിയ ജയിംസ് കിരീടം ചൂടി. 40 വയസ്സിനു മുകളിലുള്ളവരുടെ വിഭാഗത്തിലാണ് എൽഐസിയിൽ ഇടുക്കിയിൽനിന്നുള്ള ആദ്യ വനിതാ ഡവലപ്മെന്റ് ഓഫിസർ കൂടിയായ സോഫിയ കിരീടം ചൂടിയത്. ഈ വർഷത്തെ മിസിസ് യൂണിവേഴ്സ് മത്സരത്തിലേക്കു യോഗ്യതയും നേടി.

ഒൻപതിലും ഏഴിലും എൽകെജിയിലും പഠിക്കുന്ന 3 ആൺകുട്ടികളുടെ അമ്മയാണു നെടുങ്കണ്ടം കല്ലാർ പനയ്ക്കൽ വീട്ടിൽ സോഫിയ. നെടുങ്കണ്ടം കൊല്ലംകുന്നേൽ ചാക്കോയുടെയും പരേതയായ ലീലയുടെയും മകളാണ്. ഭർത്താവ് പി.ജെ.ഏബ്രഹാം ബിൽഡിങ് ഡിസൈനറാണ്.