കെസിആറിന്റെ നീക്കങ്ങള്‍ക്കു തിരിച്ചടി; കൂടിക്കാഴ്ചയ്ക്കില്ലെന്ന് സ്റ്റാലിന്‍
Mail This Article
×
ചെന്നൈ∙ കോണ്‍ഗ്രസ്, ബിജെപി ഇതര ഫെഡറല്‍ മുന്നണി രൂപീകരിക്കാനുള്ള തെലങ്കാന മുഖ്യമന്ത്രി കെ. ചന്ദ്രശേഖര റാവുവിന്റെ മോഹങ്ങള്‍ക്കു തിരിച്ചടി. ചന്ദ്രശേഖര റാവുവുമായി കൂടിക്കാഴ്ചയ്ക്കില്ലെന്നു ഡിഎംകെ അധ്യക്ഷന്‍ എം.കെ.സ്റ്റാലിന്‍.
ഈ മാസം 13നു സ്റ്റാലിനെ കാണാന്‍ ചന്ദ്രശേഖര റാവു സമയം തേടിയിരുന്നു. 19നു നടക്കുന്ന നാലു നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പു പ്രചാരണത്തിന്റെ തിരക്കാണു കൂടിക്കാഴ്ചയില്‍നിന്നു പിന്മാറാന്‍ ഡിഎംകെ കാരണമായി ചൂണ്ടിക്കാട്ടിയത്.
ഇന്നലെ കേരളത്തിലെത്തിയ ചന്ദ്രശേഖര റാവു മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയിരുന്നു. കര്‍ണാടക മുഖ്യമന്ത്രി എച്ച്.ഡി. കുമാരസ്വാമിയുമായും റാവു ചര്‍ച്ച നടത്തിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.