‘ആല്‍ഫൈനു ബ്രെഡില്‍ സയനൈഡ് പുരട്ടിനൽകി’ ; കൂടത്തായി കേസിൽ മൂന്നാം കുറ്റപത്രം

കോഴിക്കോട് ∙ കൂടത്തായി കൂട്ടക്കൊലപാതക കേസിൽ മൂന്നാമത്തെ കുറ്റപത്രം അന്വേഷണ സംഘം താമരശേരി കോടതിയിൽ സമർപ്പിച്ചു. മുഖ്യപ്രതി ജോളിയുടെ രണ്ടാം ഭർത്താവ് ഷാജുവിന്റെ ഒന്നര വയസുള്ള മകൾ ആൽഫൈനെ കൊലപ്പെടുത്തിയ കേസിലാണ് കുറ്റപത്രം നൽകിയത്.

ജോളിക്ക് പുറമെ, സയനൈഡ് നൽകിയ എം.എസ്.മാത്യു, കെ. പ്രജികുമാർ എന്നിവരും പ്രതികളാണ്. ഷാജുവിനെ വിവാഹം കഴിക്കാനായി 2014 മേയ് മൂന്നിനാണ് ബ്രഡിൽ സയനൈഡ് പുരട്ടി നൽകി ആൽഫൈനെ ജോളി കൊലപ്പെടുത്തിയത്. സങ്കീർണമായ കേസാണെന്നും സാക്ഷിമൊഴികൾ കൂട്ടിയോജിപ്പിച്ചാണ് കൊലപാതകം തെളിയിച്ചതെന്നും എസ്പി കെ.ജി.സൈമൺ പറഞ്ഞു.

English Summary: Third Chargesheet Submitted in Koodathayi Case