ക്ഷണിക്കുമെന്ന് പ്രതീക്ഷിച്ചു; പങ്കെടുത്തില്ലെങ്കിലും സന്തോഷം: പ്രതികരിച്ച് കെ.സി വേണുഗോപാല്‍

ആലപ്പുഴ∙ ആലപ്പുഴ ബൈപ്പാസിന്റെ ഉദ്ഘാടചന ചടങ്ങില്‍ പങ്കെടുക്കാനായില്ലെങ്കിലും സന്തോഷമുള്ള ദിവസമെന്ന് കെ.സി. വേണുഗോപാല്‍. ബൈപ്പാസിനായി ഏറെ പ്രയത്നിച്ചു. ക്ഷണിക്കുമെന്ന് പ്രതീക്ഷിച്ചു.

കുറച്ചുദിവസങ്ങളായി കേരളത്തില്‍ ഉണ്ടായിരുന്നു. ഉദ്ഘാടന ചടങ്ങില്‍ ക്ഷണിച്ചിരുന്നെങ്കില്‍ പോകുമായിരുന്നു. കേന്ദ്രസര്‍ക്കാര്‍ എംപിമാരെ ഒഴിവാക്കാറില്ല. തറക്കല്ലിട്ടത് തന്റെ നേതൃത്വത്തിലാണ്. പാര്‍ലമെന്റില്‍ ഈ വിഷയം ഉന്നയിക്കുമെന്നും അദ്ദേഹം പറഞ്ഞു.

എന്നാല്‍, കെ.സി.വേണുഗോപാലിനെ ക്ഷണിക്കാത്തതിനെക്കുറിച്ച് അറിയില്ലെന്ന് കേന്ദ്രമന്ത്രി വി. മുരളീധരന്‍ പറഞ്ഞു. എല്‍ഡിഎഫ് സര്‍ക്കാരാണ് ബൈപ്പാസ് നിര്‍മാണത്തിന് കൂടുതല്‍ ഇടപെടല്‍ നടത്തിയതെന്ന് പറയുന്നവര്‍ക്ക് സൂര്യന്‍ പടിഞ്ഞാറാണ് ഉദിക്കുന്നതെന്നും പ്രചരിപ്പിക്കാമെന്നും വി. മുരളീധരന്‍ നെടുമ്പാശേരിയില്‍ പറഞ്ഞു.

English Summary: KC Venugopal on Alappuzha Bypass Inaguration