നരേന്ദ്ര മോദിയുടെ അമ്മ ആദ്യ ‍ഡോസ് കോവിഡ് വാക്സീൻ സ്വീകരിച്ചു

ന്യൂഡൽഹി∙ പ്രധാമന്ത്രി നരേന്ദ്ര മോദിയുടെ അമ്മ ഹീരാ ബെൻ ആദ്യ ഡോസ് കോവിഡ് വാക്സീൻ സ്വീകരിച്ചു. നരേന്ദ്ര മോദി ട്വിറ്ററിലൂടെയാണ് ഇക്കാര്യം അറിയിച്ചത്. ‘അമ്മ കോവിഡ് വാക്സീൻ സ്വീകരിച്ചുവെന്ന കാര്യം സന്തോഷത്തോടെ അറിയിക്കുന്നു. അർഹരായവരെ വാക്സീൻ സ്വീകരിക്കാൻ പ്രേരിപ്പിക്കണമെന്നും അദ്ദേഹം ട്വീറ്റ് ചെയ്തു.

99 കാരിയായ ഹീരാ ബെൻ ഗുജറാത്തിലെ ഗാന്ധിനഗറിൽ മൂത്തമകൻ പങ്കജ് മോദിയോടൊപ്പമാണ് താമസിക്കുന്നത്. മാർച്ച് ഒന്നിന് ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ(എയിംസ്) നിന്ന് നരേന്ദ്ര മോദിയും വാക്സീൻ സ്വീകരിച്ചു. ജനുവരി 16നാണ് രാജ്യത്ത് വാക്സിനേഷൻ ആരംഭിച്ചത്. 

Content Highlights: PM Modi's mother receives first dose of Covid vaccine