സ്ഥാനാർഥിയുടെ കാൽ തൊട്ടു വന്ദിച്ച് മോദി; അമ്പരന്ന് സദസ്സ്: വിഡിയോ

പാലക്കാട്∙ എൻഡിഎ സ്ഥാനാർഥിയുടെ കാൽ തൊട്ട് വന്ദിച്ച് പ്രധാനമന്ത്രി നരേന്ദ്ര മോദി. പൊതുവേദിയിൽവച്ചാണ് എൻഡിഎ സ്ഥാനാർഥി പി. നസീമയെ മോദി ആദരിച്ചത്. തിരഞ്ഞെടുപ്പ് ആവേശം ഉയർത്തി നരേന്ദ്ര മോദിയുടെ ആദ്യ പൊതുപരിപാടി ചൊവ്വാഴ്ച പാലക്കാട് കോട്ടമൈതാനത്തു നടന്നിരുന്നു. 

ഈ വേദിയിലാണ് മോദിയുടെ കാൽ നസീമ തൊട്ട് വന്ദിച്ചത്. ഈ സമയം തന്നെ നസീമയുടെ കാൽ തൊട്ട് വന്ദിക്കുന്ന മോദിയേയും കാണാം. ഈ വിഡിയോ ഇപ്പോൾ ബിജെപി സൈബർ ഗ്രൂപ്പുകളിൽ ൈവറലാവുകയാണ്.

എൻഡി‌എ മുന്നണിയില്‍ മത്സരിക്കുന്ന ഏക മുസ്‍ലിം വനിതയാണ് പി.നസീമ. അണ്ണാഡിഎംകെ സ്ഥാനാര്‍ഥിയായാണ് നസീമ മണ്ണാര്‍ക്കാടുനിന്ന് ജനവിധി തേടുന്നത്.

English Summary : Narendra Modi touching the feet of Mannarkkad NDA candidate P Naseema