പിണറായി വിജയന്റെ അപരൻ; തിരഞ്ഞെടുപ്പില്‍ രസക്കാഴ്ചയായി അപ്പു ജോസ്

കൊച്ചി∙ വൈപ്പിനിലെ തിരഞ്ഞെടുപ്പില്‍ രസക്കാഴ്ചയായി സ്റ്റേജ് ഷോ കലാകാരന്‍ അപ്പു ജോസ്. പിണറായി വിജയന്റെ അപരനെ അവതരിപ്പിക്കാറുള്ള അപ്പു ജോസ്, വേഷത്തിലും ഭാവത്തിലും മുഖ്യമന്ത്രിയെ അനുകരിച്ച് വോട്ടു ചെയ്യാനെത്തിയാണ് ബൂത്തിലെത്തിയവരെ അമ്പരിപ്പിച്ചത്.

വൈപ്പിനിലെ കുഴുപ്പിള്ളി സെന്റ് ഗ്രിഗോറിയോസ് ഹൈസ്ക്കൂളില്‍ വോട്ട് ചെയ്യാനെത്തിയവര്‍ക്കു മുന്നിലാണ് അപ്പു ജോസ് മുഖ്യമന്ത്രിയായി എത്തിയത്. പോളിങ് ബൂത്തില്‍ മുഖ്യമന്ത്രിയെ കണ്ട് ജനങ്ങള്‍ ഞെട്ടി, പിന്നീടാണ് നാട്ടുകാരന്‍ കൂടിയായ അപ്പു ജോസാണെന്ന് മനസിലായത്. ഇതാദ്യമായല്ല അപ്പു ജോസ് പിണറായിയുടെ അപരനാകുന്നത്. ടെലിവിഷനിലും സ്റ്റേജ് ഷോകളിലും പിണറായി വിജയന്റെ അപരനായെത്തി പല തവണ കൈയ്യടി നേടിയിട്ടുണ്ട് അപ്പു.

English Summary: Appu Jose votes in CM Pinarayi Vijayan's attire