സിപിഎമ്മിനെ പിന്നിലാക്കി കോൺഗ്രസ് പേജ്; തെളിവ് പങ്കുവച്ച് ശശി തരൂർ

തിരുവനന്തപുരം ∙ നിയമസഭാ തിരഞ്ഞെടുപ്പ് കാലത്ത് കോൺഗ്രസ് പാർട്ടിയുടെ സൈബർ പ്രവർത്തനങ്ങൾ മോശമായിരുന്നു എന്ന ആരോപണം ചില കോൺഗ്രസ് പേജുകൾ തന്നെ ഉയർത്തിയിരുന്നു. എഐസിസി സോഷ്യല്‍ മീഡിയ സെല്‍ കോര്‍ഡിനേറ്റർ അനില്‍ കെ.ആന്റണിയെ ഉന്നമിട്ടായിരുന്നു വിമർശനം. ഇതിനു പിന്നാലെ അനിലിനെ പിന്തുണച്ച് രംഗത്തെത്തിയിരിക്കുകയാണ് ശശി തരൂർ എംപി.

സമൂഹമാധ്യമത്തിൽ സ്ക്രീൻഷോട്ട് സഹിതം പങ്കിട്ടാണ് തരൂരിന്റെ അഭിനന്ദനക്കുറിപ്പ്. തിരഞ്ഞെടുപ്പ് പോരാട്ടം ഏറ്റവും രൂക്ഷമായ അവസാന ആഴ്ചയിൽ ഇന്ററാക്‌ഷനിൽ പേജിന്റെ പ്രകടന  റിപ്പോർട്ടാണ് പങ്കുവച്ചിരിക്കുന്നത്. ഇന്ത്യൻ നാഷനൽ കോൺഗ്രസ് കേരള പേജാണ് മറ്റു  പാർട്ടികളേക്കാൾ മികച്ച രീതിയിൽ പ്രകടനം നടത്തിയതെന്ന് റിപ്പോർട്ടിൽ പറയുന്നു.

English Summary: Shashi Tharoor on congress social media page