ഡൽഹിയിൽ ‘വീക്കെൻഡ് കർഫ്യൂ’; ശനിയും ഞായറും അവശ്യസേവനങ്ങൾ മാത്രം

ന്യൂഡൽഹി∙ കോവിഡ് അതിരൂക്ഷമാകുന്നതിനിടെ ഡൽഹിയിൽ ശനി, ഞായർ ദിവസങ്ങളിൽ ‘വീക്കെൻഡ് കർഫ്യൂ’ പ്രഖ്യാപിച്ചു. ആവശ്യസേവനങ്ങൾ മാത്രം അനുവദിക്കും. ലഫ്. ഗവർണർ അനിൽ ബൈജാലും മുതിർന്ന ഉദ്യോഗസ്ഥരുമായുള്ള യോഗത്തിനുശേഷമാണ് മുഖ്യമന്ത്രി അരവിന്ദ് കേജ്‌രിവാൾ നിയന്ത്രണങ്ങൾ പ്രഖ്യാപിച്ചത്.

∙ വിമാനത്താവളങ്ങളിൽ നിന്നുൾപ്പെടെ വരുന്നവർക്കും പോകുന്നവർക്കും കർഫ്യൂ പാസ് ഉപയോഗിച്ച് യാത്ര ചെയ്യാം.

∙ മുൻകൂർ നിശ്ചയിച്ച വിവാഹ പരിപാടികൾക്കും കർഫ്യൂ പാസ്.

∙ മാളുകൾ, ജിംനേഷ്യങ്ങൾ, ഓഡിറ്റോറിയങ്ങൾ, സ്പാകൾ തുടങ്ങിയവ അടച്ചിടണം.

∙ ഓരോ മേഖലയിലും ഒരു ആഴ്ചച്ചന്ത മാത്രം തുറക്കാം.

∙ സിനിമാശാലകളിൽ 30% കാഴ്ചക്കാർ മാത്രം.

∙ ഹോട്ടലുകളിൽ ഇരുന്നു കഴിക്കാൻ അനുവദിക്കില്ല. ഹോം ഡെലിവറി അനുവദിക്കും.

English Summary: Weekend Curfew In Delhi; Malls, Gyms Shut, Home Delivery For Restaurants