ഡോ. കെ.എസ്.രാധാകൃഷ്ണന് ഫോണിൽ വധഭീഷണി; കോൾ യുഎഇയിൽനിന്ന്

കൊച്ചി ∙ ബിജെപി സംസ്ഥാന വൈസ് പ്രസിഡന്റ് ഡോ. കെ.എസ്.രാധാകൃഷ്ണന് ഫോണിൽ വധഭീഷണി. യുഎഇയിൽനിന്ന് വെളളിയാഴ്ച രാവിലെ 11.28ന് ഒരാൾ മൊബൈൽ ഫോണിൽ വിളിച്ച് വധഭീഷണി മുഴക്കിയെന്ന് രാധാകൃഷ്ണൻ പൊലീസിനു നൽകിയ പരാതിയിൽ പറയുന്നു. എറണാകുളം സിറ്റി പൊലീസ് കമ്മിഷണർക്കാണ് ഇമെയിലിലൂടെ പരാതി നൽകിയത്.

വൃത്തികെട്ട വാക്കുകളുപയോഗിച്ച് സംസാരിച്ചയാൾ, കൊല്ലുമെന്ന് ഭീഷണിപ്പെടുത്തുകയായിരുന്നുവെന്ന് രാധാകൃഷ്ണൻ പറഞ്ഞു. 11.32നും 12.14നും ഈ നമ്പരിൽനിന്നും വീണ്ടും ഫോൺ വിളിക്കാൻ ശ്രമിച്ചുവെന്നും പരാതിയിൽ പറയുന്നു.

English Summary: Threat Call For Dr.KS Radhakrishnan