‘മമ്മ ഷീനയെ കൊന്നോ...’: ഉത്തരം തേടുന്ന ‘ഡെവിൾസ് ഡോട്ടർ’; വിധി മുഖർജി പറയുന്നു..

'ഞാൻ മമ്മയോടു തിടുക്കത്തിൽ ചോദിച്ചു. ഷീനയ്ക്ക് എന്തു പറ്റി? ഷീന അമ്മയുടെ മകളാണോ? ആണെങ്കിലും എനിക്കു കുഴപ്പമില്ല. ഞാൻ പിണങ്ങില്ല. എന്താണു പറ്റിയത്...’ എന്നോടു കൂളായിരിക്കാനായിരുന്നു മമ്മയുടെ മറുപടി. കൊലപാതകമെന്ന ചില വാക്കുകൾ പൊലീസ് പറയുന്നതു കേട്ടു. പിന്നെ അവർ പീറ്ററിനോടു പറഞ്ഞു, ഇന്ദ്രാണിയെ അറസ്റ്റ് ചെയ്യുകയാണ്, ഷീന ബോറയെ കൊലപ്പെടുത്തിയെന്നതാണു കുറ്റം.