കൂടിചേരലുകൾക്ക് നിയന്ത്രണം ഏർപ്പെടുത്തണം; ഹൈക്കോടതിയിൽ ഹർജി

കൊച്ചി∙ കോവിഡ് സാഹചര്യം പരിഗണിച്ച് സംസ്ഥാനത്ത് രാഷ്ട്രീയ, സാമൂഹിക, സാംസ്കാരിക കൂടിചേരലുകൾക്ക് നിയന്ത്രണം ഏർപ്പെടുത്തണമെന്നാവശ്യപ്പെട്ട് ഹൈക്കോടതിയിൽ പൊതുതാൽപര്യ ഹർജി. തിരുവനന്തപുരം സ്വദേശി അരുൺ രാജാണ് ഹർജിക്കാരൻ.

സിപിഎം സംസ്ഥാന സമ്മേളനം വരുന്നതു കൂടി കണക്കിലെടുത്താണ് ഹർജിക്കാരൻ കോടതിയെ സമീപിച്ചിരിക്കുന്നത്. 50 ലധികം പേർ കൂടിച്ചേരുന്നത് അനുവദിക്കരുതെന്നാണ് ആവശ്യം. കാസർകോട് 50 പേരിൽ കൂടുതലുള്ള സമ്മേളനങ്ങൾക്ക് വിലക്കേർപ്പെടുത്തിയ ജനുവരി 21ലെ ഹൈക്കോടതി ഉത്തരവ് സംസ്ഥാനത്തു മൊത്തമായി നടപ്പിലാക്കണമെന്നും ഹർജിക്കാരൻ ആവശ്യപ്പെടുന്നു.

English Summary: Public Interest Litigation in High Court demanding Gathering ban