സ്വാതന്ത്ര്യസമര സേനാനികളുടെ സ്മൃതി മണ്ഡപം ഉദ്ഘാടനം: രാഹുല്‍ ഗാന്ധി എത്തിയില്ല

തിരുവനന്തപുരം∙ സ്വാതന്ത്ര്യസമര സേനാനികളായ കെ.ഇ.മാമ്മന്റെയും പി.ഗോപിനാഥന്‍ നായരുടെയും സ്മൃതി മണ്ഡപം ഉദ്ഘാടനം ചെയ്യാൻ കോൺഗ്രസ് എംപി രാഹുല്‍ ഗാന്ധി എത്തിയില്ല. സ്വകാര്യ ആശുപത്രിയിൽ നിർമിച്ച ഇരുവരുടെയും സ്മൃതി മണ്ഡപം ഉദ്ഘാടനം ചെയ്യേണ്ടിയിരുന്നത് രാഹുൽ ഗാന്ധിയായിരുന്നു. സുരക്ഷാ കാരണങ്ങളാല്‍ പൊലീസ് അനുമതി നിഷേധിച്ചതാണെന്ന് കോണ്‍ഗ്രസ് ആരോപിച്ചു.

അതേസമയം, ഉദ്ഘാടന ചടങ്ങിൽ പങ്കെടുക്കാനാത്തിയ സ്വാതന്ത്ര്യസമര സേനാനികളുടെ കുടുംബത്തെ കെപിസിസി അധ്യക്ഷൻ കെ.സുധാകരൻ ആശ്വസിപ്പിക്കുന്നതിന്റെ ദൃശ്യങ്ങൾ പുറത്തുവന്നു. വിശ്വാസ്യതയുടെ പ്രശ്നമാണിതെന്നും പാലിക്കാൻ കഴിയാതെ വന്നത് വലിയ തെറ്റാണെന്നും ശശി തരൂര്‍ എംപി വിഡിയോയിൽ പറയുന്നുണ്ട്. 

English Summary: Rahul Gandhi not attended Freedom Fighters Memorial Inauguration