‘വിവാദ വ്യവസായം’ ശാപം; കാരുണ്യ പ്രവൃത്തിയിൽ ശ്രദ്ധിക്കൂ: ആർ.ബിന്ദു

തൃശൂർ∙ വിവാദം നിർമിക്കുന്നതിനു പകരം മാധ്യമങ്ങൾ കാരുണ്യ പ്രവർത്തനങ്ങളിൽ ശ്രദ്ധിക്കണമെന്ന് മന്ത്രി ആർ.ബിന്ദു. വി കെയർ പദ്ധതിയെപ്പറ്റി വിശദീകരിക്കുന്നതിനുള്ള വാർത്താസമ്മേളനത്തിൽ, ഗവർണർ ഓർഡിനൻസിൽ ഒപ്പിടാത്തതിനെപ്പറ്റി മാധ്യമ പ്രവർത്തകർ ചോദിച്ചപ്പോഴായിരുന്നു മന്ത്രിയുടെ പ്രതികരണം. 

വിവാദ വ്യവസായമാണ് കേരളത്തിലെ ശാപം എന്നും അവർ പറഞ്ഞു. ഗവർണർ പറഞ്ഞത് അദ്ദേഹത്തിന്റെ അഭിപ്രായമാണെന്നും അതിൽ താൻ എന്തു പറയാനാണ് എന്നുമായിരുന്നു ബിന്ദു ആദ്യ ചോദ്യത്തോട് പ്രതികരിച്ചത്. തുടർന്ന് ഈ വിഷയത്തിൽ ചോദ്യം ആവർത്തിച്ചപ്പോഴാണ് തൊഴുകൈകളോടെ മന്ത്രി കാരുണ്യ പ്രവർത്തനങ്ങളിൽ ശ്രദ്ധിക്കാൻ അഭ്യർഥിച്ചത്. 

English Summary: Minister Bindu reacts over governor ordinance issue