സർക്കാർ ആവശ്യം നിരസിച്ചു; അറ്റോർണി ജനറൽ സ്ഥാനം ഏറ്റെടുക്കില്ലെന്ന് മുകുൾ റോഹത്ഗി

ന്യൂഡൽഹി∙ അറ്റോർണി ജനറൽ സ്ഥാനം ഏറ്റെടുക്കണമെന്ന കേന്ദ്ര സർക്കാരിന്റെ ആവശ്യം നിരസിച്ച് മുകുൾ റോഹത്ഗി ഒക്ടോബർ ഒന്നിന് സ്ഥാനം ഏറ്റെടുക്കാനിരിക്കെയാണ് അപ്രതീക്ഷിത പിന്മാറ്റം. വീണ്ടും സ്ഥാനം ഏറ്റെടുക്കുന്നതിൽ പുനർവിചിന്തനം ഉണ്ടായെന്ന് റോഹത്ഗി. നിലവിലെ എജി കെ.കെ.വേണുഗോപാൽ ഈ മാസം 30ന് വിരമിക്കും. 

സുപ്രീം കോടതിയിലെ മുതിർന്ന അഭിഭാഷകനും ഭരണഘടനാ വിദഗ്ധനുമായ കെ.കെ.വേണുഗോപാൽ 2017 ജൂലൈയിലാണ് പദവിയേറ്റെടുത്തത്. മൂന്നുവർഷത്തെ സേവന കാലാവധി 2020ൽ അവസാനിച്ചപ്പോൾ, സർക്കാർ ഒരു വർഷം കൂടി തുടരാൻ വേണുഗോപാലിനോട് അഭ്യർഥിച്ചു. ഇനി തുടരുന്നില്ലെന്ന് വേണുഗോപാൽ കേന്ദ്ര സർക്കാരിനെ അറിയിച്ചതോടെ റോഹത്‌ഗിയെ വീണ്ടും പരിഗണിക്കുകയായിരുന്നു. 2014–17ലും റോഹത്ഗി എജി ആയിരുന്നു. റോഹത്ഗി പിന്മാറിയതോടെ അടുത്ത എജിക്കായി സർക്കാർ തലത്തിൽ ചർച്ചകൾ സജീവമായി. 

English Summary: Mukul Rohatgi Rejects Government's Offer To Return As Attorney General