‘കള്ളം പറഞ്ഞത് പ്രതികളെ ഭയന്ന്’; ക്ഷമ ചോദിച്ച് കൂറുമാറിയ സാക്ഷി

പാലക്കാട്∙ അട്ടപ്പാടി മധു വധക്കേസില്‍ കൂറുമാറിയ സാക്ഷിക്ക് മനംമാറ്റം. പ്രോസിക്യൂഷന് അനുകൂലമായി ഇന്ന് മൊഴി നല്‍കി. പത്തൊ‍ന്‍പതാം സാക്ഷി കക്കിയാണ് മൊഴി നല്‍കിയത്. പ്രതികളെ ഭയന്നാണ് കള്ളം പറഞ്ഞതെന്നും ക്ഷമിക്കണമെന്നും കോടതിയില്‍ വ്യക്തമാക്കി.

2018 ഫെബ്രുവരി 22നാണ് അട്ടപ്പാടിയിൽ ആദിവാസി യുവാവ് മധു ആൾക്കൂട്ട കൊലപാതകത്തിന് ഇരയായത്. മുക്കാലിയിലെ കടകളിൽ മോഷണം നടത്തിയെന്ന് ആരോപിച്ച് ഒരു സംഘം ആൾക്കാർ പിടികൂടി മർദിക്കുകയായിരുന്നു.

English Summary: Attappadi madhu Murder case witness trails