അന്ന് മലമ്പുഴയിൽ പാച്ചേനി ജയിച്ചിരുന്നെങ്കിൽ വിഎസ് എന്ന മുഖ്യമന്ത്രിയുണ്ടാകുമായിരുന്നില്ല

ആ ചോദ്യം കേട്ടപ്പോൾ വിഎസിന്റെ മുഖം വല്ലാതെ വിളറി. മുൻപിലെ മേശയിൽ രോഷത്തോടെ ആഞ്ഞടിച്ച അദ്ദേഹം ‘‘അങ്ങനെയൊന്നും എനിക്ക് തോന്നിയിട്ടില്ല’’ എന്നു പറഞ്ഞ് ഇറങ്ങിപ്പോയി. സതീശൻ പാച്ചേനിയെന്ന ‘കെഎസ്‍യു പയ്യന്’ സാക്ഷാൽ വിഎസ് നൽകിയ മെഡലായിരുന്നു ആ കനത്തിലുള്ള മേശയടി. അന്ന് സതീശൻ വിഎസിനെ തോൽപിച്ചിരുന്നെങ്കിൽ രണ്ടു പേരുടെയും രാഷ്ട്രീയഭാവി മറ്റൊന്നാകുമായിരുന്നു. എന്തായിരുന്നു മലമ്പുഴയിൽ അന്ന് സംഭവിച്ചത്?