കോണ്‍ഗ്രസിന്റെ റാലിയിലേക്ക് ഇടിച്ചുകയറി കാള; ബിജെപിയെ കുറ്റപ്പെടുത്തി ഗെലോട്ട്

മെഹ്‌സാന∙ ഗുജറാത്തിലെ മെഹ്‌സാനയിൽ കോൺഗ്രസിന്റെ തിരഞ്ഞെടുപ്പ് റാലിയെ രാജസ്ഥാൻ മുഖ്യമന്ത്രി അശോക് ഗെലോട്ട് അഭിസംബോധന ചെയ്യവെ ജനക്കൂട്ടത്തിനിടയിലേക്കു കാള ഇടിച്ചുകയറി. തലങ്ങുംവിലങ്ങും കാള ഓടുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്. 

ജനക്കൂട്ടത്തോടു ശാന്തരായിരിക്കാൻ അഭ്യർഥിച്ച ഗെലോട്ട്, കാളയെ ജനക്കൂട്ടത്തിനിടയിലേക്ക് അയച്ചത് ബിജെപിയാണെന്നു കുറ്റപ്പെടുത്തി. ‘‘ഇത് ബിജെപിയുടെ ഗൂഢാലോചനയാണ്. കോൺഗ്രസ് യോഗങ്ങൾ തടസപ്പെടുത്താൻ അവർ പലപ്പോഴും ഈ തന്ത്രം സ്വീകരിക്കുന്നു’’– അദ്ദേഹം പറഞ്ഞു.

English Summary: Bull Runs Through Congress' Gujarat Rally, Ashok Gehlot Blames BJP