വെള്ളക്കരം ഓണ്‍ലൈനായും അല്ലാതെയും അടയ്ക്കാം: മുൻ ഉത്തരവ് പിന്‍വലിച്ചു

തിരുവനന്തപുരം ∙ വെള്ളക്കരം അടയ്ക്കുന്നത് ഓൺലൈൻ വഴി മാത്രമാക്കിയ ഉത്തരവ് ജല അതോറിറ്റി പിൻവലിച്ചു. എല്ലാ ബില്ലുകളും ഓൺലൈനായും അല്ലാതെയും അടയ്ക്കാമെന്ന് ജല അതോറിറ്റി വ്യക്തമാക്കി.

ഗാർഹിക ഉപഭോക്താക്കൾ 500 രൂപയിൽ കൂടുതലുള്ള ബില്ലുകൾ ഓൺലൈനായി അടയ്ക്കണമെന്നും ഗാർഹികേതര ഉപഭോക്താക്കൾ എല്ലാ ബില്ലുകളും ഓൺലൈനായി അടയ്ക്കണമെന്നുമായിരുന്നു ഉത്തരവ്. ഇതിനെതിരെ വ്യാപക പ്രതിഷേധം ഉയരുകയും മന്ത്രിക്ക് അടക്കം പരാതി ലഭിക്കുകയും ചെയ്തിനെ തുടർന്നാണ് ഉത്തരവ് പിൻവലിച്ചത്.

English Summary: Water Authority's order on Water Bill Payment method