‍പെരിയാർ തീരത്ത് 114 ബലിത്തറകൾ; ആലുവ ശിവരാത്രിക്ക് ഭക്തജനത്തിരക്ക്

കൊച്ചി∙ ആലുവ മണപ്പുറത്ത് ശിവരാത്രി ഉത്സവത്തിന് ഭക്തജനത്തിരക്ക്. ഇന്ന് അർധരാത്രി മുതലാണ് ബലിതർപ്പണമെങ്കിലും ഇന്നലെ രാത്രി മുതൽ മണപ്പുറത്തേക്ക് ജനപ്രവാഹമാണ്. അമാവാസി അവസാനിക്കുന്ന തിങ്കളാഴ്ച രാവിലെ 11 വരെ ബലിതർപ്പണം നീണ്ടു നിൽക്കും.

വലിയ തിരക്ക് ഉണ്ടെങ്കിലും മണപ്പുറത്തേക്ക് എത്തുന്നവർക്ക് ബുദ്ധിമുട്ട് ഉണ്ടാകാതെ ബലിതർപ്പണം പൂർത്തിയാക്കി മടങ്ങാൻ കഴിയുന്ന തരത്തിലാണ് ക്രമീകരണങ്ങൾ ഏർപ്പെടുത്തിയിട്ടുള്ളത്. തിരക്ക് കണക്കിലെടുത്ത് ബലിതർപ്പണത്തിനായി പെരിയാർ തീരത്ത് 114 ബലിത്തറകൾ ദേവസ്വം ബോർഡ് ഒരുക്കിയിട്ടുണ്ട്.

നാളെ ഉച്ചയ്ക്ക് രണ്ടു വരെ നഗരത്തിൽ ഗതാഗത നിയന്ത്രണം ഉണ്ടാകും. സുരക്ഷയ്ക്കായി 1200 പൊലീസുകാരെയാണ് നിയോഗിച്ചിട്ടുള്ളത്. തിരക്ക് ഒഴിവാക്കാനായി കെഎസ്ആർടിസിയുടെ 210 പ്രത്യേക സര്‍വീസുണ്ട്. ആലുവയിലേക്ക് പ്രത്യേക ട്രെയിൻ സർവീസിന് പുറമേ കൊച്ചി മെട്രോയും അധിക സർവീസ് നടത്തുന്നുണ്ട്.

English Summary: Preparation for Aluva Sivarathri Festival