ജോയ് വർഗീസ് മാധ്യമ പുരസ്കാരം വർഗീസ് സി. തോമസിന്

ആലപ്പുഴ∙ ജോയ് വർഗീസ് ഫൗണ്ടേഷന്റെ 2023 ലെ മാധ്യമ പുരസ്കാരത്തിന് ‘മലയാള മനോരമ’ പത്തനംതിട്ട അസിസ്റ്റന്റ് എഡിറ്റർ വർഗീസ് സി. തോമസ് അർഹനായി. പച്ചയായ പാട്ടിന് 30 വയസ്സ്, തീവെയിലിലും കുടപിടിച്ചൊരാൾ എന്നീ ഫീച്ചറുകളുടെ മികവ് പരിഗണിച്ചാണ് പുരസ്‌ക്കാരം.

15,001 രൂപയുടെ ക്യാഷ് അവാർഡും ഉപഹാരവും പ്രശസ്തി പത്രവും അടങ്ങുന്ന പുരസ്കാരം മേയ് 19ന് ആലപ്പുഴയിൽ സമ്മാനിക്കുമെന്ന് ചെയർമാൻ ടോമി പുലിക്കാട്ടിൽ, ജനറൽ സെക്രട്ടറി കെ. ശ്യാമപ്രസാദ് എന്നിവർ അറിയിച്ചു. അന്ന് വൈകിട്ട് 3.30ന് ചടയംമുറി ഹാളിൽ ചേരുന്ന ജോയ് വർഗീസ് അനുസ്മരണ സമ്മേളനത്തിൽ സംസ്ഥാന കൃഷിമന്ത്രി പി.പ്രസാദ് പുരസ്കാരം സമ്മാനിക്കും. 

English Summary: Varghese C Thomas, selected for Joy Varghese Media Award