ബിജെപി തമിഴ്നാട് അധ്യക്ഷൻ അണ്ണാമലയ്‌ക്ക് നേരെ കുതിച്ചുചാടി ജല്ലിക്കെട്ട് കാള; ആൾക്കൂട്ടം പിടിച്ചുകെട്ടി

മധുര∙ ബിജെപി തമിഴ്നാട് അധ്യക്ഷൻ കെ.അണ്ണാമലയ്‌ക്ക് നേരെ കുതിച്ചു ചാടി ജല്ലിക്കെട്ട് കാള. പ്രവർത്തകരുടെ സമയോചിതമായ ഇടപെടലിൽ കാളയെ പിടിച്ചുകെട്ടി. സംഭവത്തിൽ ആർക്കും പരുക്കില്ല.  ‘എൻ മണ്ണ് എൻ മക്കൾ’ എന്ന പേരിൽ അണ്ണാമലൈ നടത്തുന്ന പദയാത്രയുടെ ഭാഗമായി മധുര മേലൂരിലെത്തിയപ്പോഴാണ് സംഭവം.

പദയാത്ര തുടങ്ങുന്ന സ്ഥലത്ത് പത്തോളം ജല്ലിക്കെട്ട് കാളകളെ കെട്ടിയിരുന്നു ഇവയിൽ ഒന്നാണ് അണ്ണാമലയുടെ നേരെ കുതിച്ച് ചാടിയത്. കാളയെ പിടിച്ചുകെട്ടിയ ശേഷം അണ്ണാമലയും കാളയെ തലോടി ശാന്തനാക്കുന്ന ദൃശ്യങ്ങളും പുറത്തുവന്നിട്ടുണ്ട്.

English Summary: Jallikattu bull jumped towards BJP Tamil Nadu president K.Annamalai