ഫാ. അംബ്രോസ് പുത്തൻവീട്ടിൽ കോട്ടപ്പുറം രൂപതയുടെ പുതിയ ബിഷപ്

തൃശൂർ ∙ ഫാ. അംബ്രോസ് പുത്തൻവീട്ടിൽ കോട്ടപ്പുറം രൂപതയുടെ പുതിയ ബിഷപ്. നിലവിൽ എറണാകുളം ചെട്ടിക്കാട് സെന്റ് ആന്റണീസ് തീർഥകേന്ദ്രം റെക്ടറാണ്. എറണാകുളം വൈപ്പിൻ പള്ളിപ്പുറം സ്വദേശിയാണ്.

വരാപ്പുഴ ആർച് ബിഷപ് ഡോ. ജോസഫ് കളത്തിപറമ്പിലിന്റെ സാന്നിധ്യത്തിൽ, കോട്ടപ്പുറം രൂപത അപ്പസ്തോലിക് അഡ്മിനിസ്ട്രേട്ടർ ബിഷപ് ഡോ. അലക്സ് വടക്കുംതല മാർപാപ്പയുടെ നിയമന ഉത്തരവ് വായിച്ചു.